Maansadii: waxay ku bartaa aqoon

Maansadaan waxay ka hadlaysaa sidaad magaceeda ka dareemaysid faaiidada iyo qiimaha uu leeyahay ruuxa aqoonta leh waxay si humaag iyo hubsiima leh kuugu tifatiraysaa barashadeeda iyo baraaraha laga dhaxlo

Ka bogosho wacan:

Waxay ku bartaa aqoon

•Inuu koonkaan ilaah

•Isagu uu leeyahoo

•Abuuray waxa ku nool

•Waxay ku bartaa aqoon

•Inay jirto jirto aakhiriyo

•Xisaab iyo iil la gali

•Waxay ku bartaa aqoon

•Inay jidho aayad tiri 

•Tacliinta ninkii aflaxay

•Ma sina alif kaan kasayn

•Waxay ku bartaa aqoon

•Inay umaduhu dhamaan

•Kasoo farcameen ab hore

•Yihiin ilma aadan qura

•Waxay ku bartaa aqoon

•Akhlaaqda wanaagsanoo

•U tahay udubkeedii dhexe

•Asluubtuna wow bilado

•Waxay ku bartaa aqoon

•Inuu aadmigu dhamaan

•Af iyo addin kay ku tahay 

•Amaan uu kaa helaa

•Waxay ku bartaa aqoon

•Indheer garad baa gartee

•Abaalka inaad gudaa

•Waxay ku bartaa aqoon

•Ha aarsane oogu badal

•Midkii aafada ku biday

•Wanaag iyo uur samaan

•Waxay ku bartaa aqoon

•Inaad ixtiraamka iyo

•Taqaan olaha qadarin

•Waxay ku bartaa aqoon

•Ilaahay baa na faray

•Ixsaanka inaad taqaan

•Waxay ku bartaa aqoon

•Xijaab ku dad oogadoo

•Waxaa tahay gabar asturan

•Waxay ku bartaa aqoon

•Ka fakar aayaha danboo

•Lahaw aragtida u dheer

•Waxay ku bartee aqoon

•Ayaantii soo gashaba

•Maaree wixii soo if baxa

•Wixii ku adag ka gudub

•Waxay ku bartaa aqoon

•Aflaaxiyo guul daraba

•Inuu imtixaanku yahay

•Waxay ku bartaa aqoon

•Ogow waayeelka iyo

•Agoonta iyo hooyadood

•Waxay ku bartaa aqoon

•Haday ku asiibto balo

`Amuu amar kalaba dhaco

•Aduun weeye u samir

•Waxay ku bartaa aqoon

•Hadaad tahay aabe dhalay

•La soco ubadkaaga hooy

•Waxay ku bartaa aqoon

•Aftahanimo loo dhalaye

•Wixii erey iyo xikmada

•Waxay ku bartaa aqoon

•Amaan iyo maamul sami

•Ka dheer abtirsiimanimo

•Waxay ku bartaa aqoon

•Indhuhu inay kuu furmaan

•Ogaatid waxaad ogayn

•Waxay ku bartaa aqoon

•Adoo koray aalad sare

•Inaad aadaa dayaxa

•Ayaamana aad jirtaa

•Waxay ku bartaa aqoon

Amaanada la dhunshee

•Ha burin axdigaad gashaa

Waxay ku bartaa aqoon

Inuu ehelkaagu yahay

Islaam kaad wada tihiin

•Midkii leh aqoon qabiil 

•Ab iyo reer u dood 

•Ujeedkiisaa ka wayn

•Ma karo aflagaadiyo

•Wixii af xuma ah marnaba

•Ka dheer hadalkiisu iin

•Haday tahay aaran iyo

•Abaar tii soo gashaba

•Wuxuu akhriyaa xamdiga

•Wuxuu mahdiyaa ilaah

•Adkaartuna wow buruuj

•Awood iyo baawar sare

Daruurtaa ayaan la yiri

Maxaad horta u onkodaa

Waxay tiri aadanuhu

Inay aqalada galaan

Astaantaydana gartaan

Baaqayguna waa ogaal

Aqoontuna waa sidaa

Aduunyadu waa tacliin

Amiir madax wayne iyo

Ifkana boqor bay u tahay

Nabad oday bay u tahay

Ugaas iyo guurti dhaqan

Wixii kala gaara eed

Adoomaha bay naqdaa

Ma eexato waa qareen

Abwaan nolashay u tahay

Wixii anbaday heshaa

Waxay leedahay abuur

Abuur farsamoo wax tara

ayaan baan dayaxa iri

Dhexdaada dhir baan arkaa

Ka baxay oogada kor ka ah

Wuxuu yiri waa aqoon

Ul dheer iyo maaha geed

Dadaalase waa ogaan

tacliintuna waa indhaha

Arkaaya wixii qarsoon

Iftiin bay kaaga shidi

Ilays jahliga kaaga dila

Waxay kuu tahay askari

Naftaada ilaaliyoo

Marnaba kaa rabin adeeg

Hubkiisuna waa ataag

Ataag qalin uu xukumo

Amley iyo maaha qori

Waxayba fudhaa irdaha

Albaabada guushu taal

Abaarta col bay la tahay

Nimcada ehel bay la tahay

Gaajada oon bay u tahay

Haraadka il bay u tahay

Cilmiga isir bay la tahay

Jahliga ood bay u tahay

Islaamka xigtay la tahay

Garaadkana wow arsaaq

Ka timid eebaha xagii

Ilaahoow mahad naqaa

Waxaan iri ubax ayaan 

Maxay shimbiriuhu afdheer

Afdheer kuuga mudaan

Amay kuugu soo ururi

Markay tahay aarankoo

Arligu roobku uu da o

Wuxuu yiri waa udgoon

Udgoonkay urshaan

Quruxduna waa astaan

Waxaan iri oomanaha

Maxay kaaga sii ordaan

Wuxuu yiri waa asaqada

Qalaylkiyo omoska jira

Aqoontuna waa sidaa

Hadaad leedahay amaan

Waxaa mudataa amaan

Indheer garad baana tahay

Islaan iyo daa nin wayn

Ilmaa yar yar baa ku dhihi

Ustaadoow kuugu wici

Aduunkana waa qadarin

Waxaad ka anfaacsataa

Hadii kale waa aftaag

Ishad ka heshad bulshada

Dhexdoodana waa ardaal

Aqoon laawaad ka tahay

Marbaa aarkuba shabeel

Itaal yar ka cayrsadaa

Lax iyo ari uu dishoo

Tahay xeeladu awood

Marbaad ku xidhaa arbaha

Maroodiga uurka wayn

Alwaax iyo geed la jaray

Aqoontuna waa furaha

Ilbaxnimo wow hogaan

Udgoonoow nabi maxamed

Intaad loo dirin arlada

Iqraa lagu yiri quraan

Daliilkuna waa iyada 

Nolosha udubay u tahay

Istaajiya oo hayee

inqaas iyo qalin u gado

Adoo heli kara aqoon

Ha cunun axankii jahliga

Caqliga isticmaar ka dhawr

Isbaarada diid faqriga

Naftana ka ilaali mool

Ha galin iilkii mugdiga

Gumaysiga diid irmaan

Aqoontuna maaha qura

Iskuul iyo jaamacade

Ka baro waayaha ogaal

Isteeylkuna waa cilmiga